O alumnado da Formación Profesional Básica asistiu a unha charla-coloquio sobre
a trata de mulleres en España impartida pola asociación Aliad Ultreia, no marco
das actividades levadas a cavo no Plan Proxecta+ “Por 365 días de respecto e
igualdade”. Nesta charla abordouse desde distintos puntos de vista a
problemática da explotación sexual e os novos mecanismos de captación de mulleres
que empregan na actualidade as redes dedicadas ao tráfico de persoas.
As mulleres cobran un especial protagonismo o Día das Letras Galegas deste ano 2025. A labor das cantareiras e pandereteiras galegas na transmisión do noso legado cultural personifícase na figura de sete mulleres. Segundo a RAG “catro delas figuran no Cancioneiro de Dorothé Schubarth cun número elevado de cantigas, melodías e letras, como é o caso de Adolfina e Rosa Casás, de Cerceda; ou o de Asunción Garrido e Manuela Lema, de Mens. As outras cantareiras de Mens, Teresa García Prieto e Prudencia Garrido, non foron informantes de Schubarth pero consérvanse dela documentos sonoros importantes. Igual ocorre con Eva Castiñeira, de Muxía."
No IES Gregorio Fernández quixemos participar nesta homenaxe dunha maneira
especial, e o Departamento de Lingua Galega editou unhas chapas conmemorativas
que foron repartidas entre a comunidade educativa.
Os alumnos/as de 4º da ESO asistiron hoxe a un interesante obradoiro titulado “O machismo é violencia con todas as letras”, no que se abordou a temática da violencia de xénero desde distintos puntos de vista. A actividade forma parte do Plan Proxecta+ "Por 365 días de respecto e igualdade."
Neste obradoiro interviu unha profesional en igualdade de xénero e prevención
da violencia, un educador social especializado en novas masculinidades e unha muller
que falou en primeira persoa da súa
eperiencia como supervivinte de situacións de violencia de xénero.
O pasado mércores 18 de marzo celebramos o Día da Poesía, que en Sarria está dedicado ao noso querido compañeiro Eduardo Rey. Todos os centr...
